ХАЙЛААСТ ОРЧМЫН ДАХИН ТӨЛӨВЛӨЛТИЙН ТӨСЛИЙН ЯВЦ...

2019/06/14
ХАЙЛААСТ ОРЧМЫН ДАХИН ТӨЛӨВЛӨЛТИЙН ТӨСЛИЙН ЯВЦ...

Гэр хорооллын дахин төлөвлөлтийн төсөл хэрэгжүүлэгч компаниудын дунд ажил нь зогсонги байдалд ороод олон жил болсон нэлээдгүй компани бий. 

Чингэлтэй дүүрэг, Хайлаастын 72-р сургуулийн орчимд 2013 оноос эхний ээлжийн айлуудын газар чөлөөлж, барилгын ажлаа эхлүүлсэн ч өдий хүртэл орон сууцаа ашиглалтанд оруулж чадаагүй байгаа "Буурал Сутай", "Асар Өргөө" компаниуд энэ зундаа багтаж ажлаа дуусгахаар ажиллаж байна.

"Буурал Сутай" компани гэр хорооллын дахин төлөвлөлтийн төслийн хүрээнд 714 айлын, 17 блок орон сууцны барилга, 960 хүүхдийн сургууль, 240 хүүхдийн цэцэрлэгийн барилга барихаар төлөвлөсөн. 

Тус компанийн хувьд эхний ээлжийн 48 айлын орон сууцыг наадмын өмнө ашиглалтанд оруулахаар дотор заслын ажилдаа орсон, ажлын гүйцэтгэл 95 хувьтай байна.

"Асар Өргөө" компанийн хувьд 20 айлын орон сууцны барилгын ажил эхлүүлэх зөвшөөрлийн хугацаа болон техникийн нөхцөл шинэчлэх зэрэг ажлуудаа дуусгаж, олон жил зогссон ажлаа үргэлжлүүлэх боломжтой болсон байна.

Тус компани ирэх 8 дугаар сард эхний ээлжийн 20 айлын орон сууцыг улсын комисст хүлээлгэн өгч, дараагийн ээлжийн барилгын ажлаа эхлүүлэх төлөвлөгөөтэй байгаа аж.

                                                          "Асар Өргөө" компанийн 20 айлын орон сууц             

                                                           "Буурал Сутай" компанийн 48 айлын орон сууц

                                                                                                                                                                                                                                                                                                                                           П.Болор

                                                                                                                                                                             

ХАЙЛААСТ ОРЧМЫН ДАХИН ТӨЛӨВЛӨЛТИЙН ТӨСЛИЙН ЯВЦ...  
Тэнхлэг зууч ХХК - Facebook