"ТҮРЭЭСИЙН ОРОН СУУЦАНД ЗУУЧИЛНА" ГЭХ ЗАР ХУУРАМЧ БОЛОХЫГ АНХААРУУЛЖ БАЙНА

2019/03/01
"ТҮРЭЭСИЙН ОРОН СУУЦАНД ЗУУЧИЛНА" ГЭХ ЗАР ХУУРАМЧ БОЛОХЫГ АНХААРУУЛЖ БАЙНА

Цахим орчноор "Түрээсийн орон сууц хөтөлбөр"-ийн хүрээнд “Буянт-Ухаа 2” хорооллын хоёрдугаар ээлжийн орон сууцны бүртгэл эхэлсэн, квотыг худалдах замаар иргэдээс зуучлалын хөлс авч, хамруулж өгнө гэх олон нийтийг хууран мэхлэх, заллилах шинжтэй мэдээлэл удаа дараа цацагдаж байна. 

Иймд төрийн байгууллагын нэрийг барин худал, ташаа мэдээлэл цацаж, иргэдийг хуурч, мэхэлж болзошгүй үйлдэлээс болгоомжлохыг Барилга Хот Байгуулалтын Яамнаас анхааруулж байна. 

Уг ташаа мэдээлэлтэй холбоотой асуудлыг хууль хяналтын байгууллагаар шалгуулахаар хандаад байна. 

“Буянт-Ухаа 2” хорооллын 972 айлын орон сууцны барилгын ажил дуусаагүй бөгөөд түрээсийн орон сууцанд зуучлагчаар дамжуулан хамрагдах боломжгүй болохыг албан ёсоор мэдэгдье. 

                                                                  БАРИЛГА ХОТ БАЙГУУЛАЛТЫН ЯАМ

 

 

Түрээсийн орон сууц хэзээ ашиглалтанд орох талаар манай сайтын бэлтгэж байсан сүүлийн үеийн мэдээг http://shinebair.mn/post/683/ эндээс уншаарай.                                             

"ТҮРЭЭСИЙН ОРОН СУУЦАНД ЗУУЧИЛНА" ГЭХ ЗАР ХУУРАМЧ БОЛОХЫГ АНХААРУУЛЖ БАЙНА  
Тэнхлэг зууч ХХК - Facebook